2014-mi ukiumoortumik paasissutissani immikkoortut Atuineq aamma Akit 3. april 2014 saqqummerput.

 

Atuineq

Tulliuttumi angerlarsimaffiit atuisarnerat allaaserineqassaaq. Atuinissamut periarfissani isertitat aamma nioqqutissani kiffartuussinernilu akit ineriartorneri apeqqutaasarput.

 

Tunisassiorneq tunngavigalugu nuna tamakkerlugu naatsorsuutit 2012-moortut suliarineqarnerannut atatillugu inuit atuisarnerannut naatsorsuutit nutaat suliarineqarput. Naatsorsuinermut tassunga atatillugu inuit atuisimanerat nioqqutissanut assigiinngitsunut agguataarnerat titartakkami 8.1-mi takutinneqarpoq. Assersuutitut 2012-mi qallunaat atuinerisa agguataarnera takutinneqarpoq.

 

Atuisarnermut akiusussarpiallu kisitsisit immikkoortumi Akit kisitsisinngorlugit suliarineqarnerannut tunngaviusut aamma killiliinerit kiisalu Isertitat pisissutaasinnaassusaani nassuiarneqartuni naatsorsorneqarneranni atuisarnermut naatsorsuutit 2008-meersut aallaavigineqarput.

 

Titartagaq 8.1. Kalaallit Nunaanni (2012) Danmarkimilu (2012) inuit namminerisamik atuinerisa agguataarnerat

Najoqqutat: http://bank.stat.gl/NRN07 og http://www.statistikbanken.dk/statbank5a/default.asp?w=1920

Malugiuk: 2012-mi kisitsisit Kalaallit Nunaaneersut kisitsisaagallarput.

Najoqqutaq: Naatsorsueqqissaartarfik aamma Danmarks Statistik